ARD-Hörspieldatenbank
Originalhörspiel, Mundarthörspiel
Lüninge sind auk Mensken
Sprache des Hörspiels: niederdeutsch
Komposition: Kurt Herrlinger
Regie: Wolfram Rosemann
Tijaohr giff't männigen Anlaot to't Fiern. Düt vüörnan: Hermann Homann
wäd siemßig Jaohr aolt. De flietige Kumerigenschriewer draff wiß sien,
dat em to sienen Ährendag nich bloß Westfaolen, auk dat heele
Niederdütskland en hiärtlick Kumpelment in't Hus brengt. Met mähr äs
bloß ne Göpsvull van Spielle för de Briär, van wecke 'm sägg, dat se
de Welt bedüden daihen, un iärst recht met ne graute Tall för't Radio
hät he siene Tokiekers un Lusterers Dusendspaß makt. Daobi is he
nienich üöwer dat kommodige Schemm stolterboltert, wo drunner män de
kütenhauge Bieck van Posse und Putz flütt. Siene Spielle häwt bi all
dat Gnöcheln, Gneesen un Grifflachen ümmer en deipen mensklicken Grund
hat.
Auk vandage wiest Homann sik ut äs een, de siene papeern Gelägden met
eenen knippaigeligen un eenen fuchten Kiek ansüht.