Hörspiel

Autor/Autorin: Bernard Fathmann

Hinnerk un dat graute Glück

Technische Realisierung: Otto Fries, Christoph Gronarz, Helga Abel

Regie: Wolfram Rosemann

Von Tratt to Tratt is't met em de Ledder hendahle gaohn, wieldat he, wann em wat twiärs quamm, de Pull nich konn staohnlaoten. Ne Kie'aohne Enn', en Dreih, de ümmer deipere Kringe treckt! Sien Schwadroneeren un Puchen helpt nich dr üöwer weg, dat et met em van Maol to Maol gauer biärgaff geiht. He mott sich ne annere Arbeitsstiär söken, de Frönde haollt sick trügge, de Famillge fäöllt utneen. Alle müettet tokieken un küennt nich helpen. In düt Affsacken is't äs en spöttsk Kniepaigeln, dat em de Tofall to Hölpe kümp, äs här he dat graute Los trocken. Siet Wiäcken nöchtern äs en Kalw, dräpp he u sienen aollen Supkumpan, de em tosett't, all dat nie Glück to begeiten, äs et de Bruk vuörschriff. An't Enne steiht en Fraogetecken.