Mundarthörspiel

Autor/Autorin: Werner Brüggemann

Dusend Jaohr as eene Stunn

Technische Realisierung: Paul Fleck, Petra Skolarikis

Regie: Wolfram Rosemann

De Üöwerschrift läött an den Psalm 90 in dat Aolle Testement denken un will seggen: Tied gellt nicks bi Guod; aower auk de "Dusend Jaohre" van dat "Diärde Riek" sind mennt, ut de dann lessenenns blaots twiälw wuorn sind; un de eene Stunn, dat is de Tied, de in,t Spiell würklick affrullt. Aorre is't vlicht doch de Stunn van den Daud? Liekviell - in düsse twee Spüörs laupt de Begiewsels, bi de'm ingangs un utgangs nich so aohne wieders wietten kann, wat et met jähr up sick hät. Is de Faohrt in de Iserbahn nao Hus, nao de leste Station, is dat würklick off is't män drommt, is't en Affbeld van de Liäbensreise, is't en Teeken för Geburt off Stiärwen? Sachte wärdt de Beller dütlicher, sind klaorer to kennen un to begriepen, sind endlicks Wiärkeldagg in dat brune "Jaohrdusend", dat'm met de Augen van en Jungen in en westfäölsk Duorp ankick: Familge un Kiärk, Frönde, de niee Stiewweltratt, Triummel un Häörn, Judenhaß un bar Gewaolt, Krieg. De Fraoge an Guod apatt wiest up den Anfang trügge.