Mundarthörspiel

Autor/Autorin: Alfons Schenke

Eegenleistung

Bearbeitung (Wort): Georg Bühren
Technische Realisierung: Siegfried Burghardt, Alexander Buske

Regie: Georg Bühren

Se sind no jung, de beiden. Hieroo't hebt se, un nu sall dat auk forts wat wäerden, mit dat eegene Hüsken. Wisse, dat kost' nen Haupen Geld, ower wenn me guet tesamm' arbeit' un de Penninge fein bineen höllt, dann konn't glücken. Man kann jä auk etlikes sölwst maken, in Eegenleistung. Haupsake, man is sick nich uneens un tütt an' sülwigen Strang. Ower he höllt mehr vön't kommodige Liäben. Worüm sick krummleggen för 'n eegen Hus, wenn me auk in'n Mietshus tefrie is. Un se kann em nich egalwegg driewen... Ower vullicht tütt he auk nich men mit, weil do no Jens is, de Architekt. De häv al wat up de Beene stellt, dat geföllt ihr. Dat sütt man forts, he is jä nich blindöket. Män - se sind jung, all tehaupe, vullicht to jung.