Hörspiel

Autor/Autorin: Wolfgang Sieg

Trauerarbeit

Übersetzung: Hannes Demming
Technische Realisierung: Dieter Stratmann, Helga Hülsmann
Regieassistenz: Hanni Fockele-Grollmes

Regie: Wolfram Rosemann

He hät sick nicks vörtesmieten, wann he an iähr trügge denkt. Guede Jaohre häbt se tesamen hat, en nett Utkuemen, Urlaub, en gemötlick Tohus met Tagesschau, Stickerie un Krüßwaorträötsels, nienich Striet. Un nu is se all en paar Wiäken unner de Äerde. Nich verkatt, wann dr äs en Frönd düör de Dör kick un en lück uppäß, dat'm sick nich allte harre hangen läött. En Mann mott wietten, wat sick häört, auk wann he alleen is. Magg sien, so'n Frönd helpet eenen üöwer de swaore Tied van dat Truerjaohr wegg. Wu wäör't met en paar Tratt buten Huse, dat'm äs in Gesellschopp kümp, auk wann dr Fraulü bi sind. De Mensken laupt nu eenmaol nich sorteert harüm. Man mott doch äs up annere Gedanken kuommen. Un wat sick häört, weet'm. Se was jä de beste Frau up de Wiält. Män auk dat is waohr: 't geiht wieder, dat Liäben. Vlicht, dat dat eene off annere drvan bes nuhento an em vüörbigaohn is. Säöll he amenne wat verpaßt häbben...?