Hörspiel

Autor/Autorin: Walter Arthur Kreye

De Gast

Plattdeutsches Hörspiel

Regie: Wolfram Rosemann

Weinige Dage nao Middewinter, up Dreiküeninge, kümp ju en Spiell in de Möte, dat in den Naoklang to düsse Tied päß, auk wann dat Hassebassen villicht all wier bi en nieen, ümmern den aollen Aolldag ankuemmen is. W. A. Kreye hät en Spiell für eene Stemm' schrieben, dat us trüggebrengt in de Jaohre, äs de Häer üöwer de Äer gonk. De Wärt weet nich, wel de enzige Gast is, de em dao in den alltied lierigen Krog kümp. Met Swiegen sitt em de Häer tieggenüöwer, wieldeß he sien Hiärt utschütt üöwer sien Liäben, sien Dohn un Laoten - gienne Wärt nämlicks, de daomaols dat hillige Paar buten Düör settet hät. In't Verwünnern üöwer de Mirakel van düssen Dag un gienne Nacht wäß ut sien Vertellen dat Begriepen van Schuld un Sühn' un brengt em Siängen un Gnaode, binaoh äs wann't ne Bicht west wäör, de beide Schaolen van de Waog' tieggeneene süht un lestan liekemakt.