Mundarthörspiel

Autor/Autorin: Helmut Harun

De Indianer vun Nippes. E Familijedrama met Härz

Rheinisches Hörspiel

Regie: Leopold Reinecke

De Engels sin brav Lück, wie et vill in Kölle gitt. Dat se in Nippes wunne, es jo ahn un för sich kei Manko, dann do levve och nette Minsche. Vatter Engels es Portier em Katasteramp; pünkelich un zoverlössig mäht hä Deens zick Johr un dag. Sing Frau et Angeika, es jenau dat, wat sich mänche Mann doheim wünsch: En Mutter, e Liebche un ene Kamerad en einem. Nie gov et Strick zweschen dem Ehepaar un die drei Pänz, dr Pitter, dr August un et Albertchen jedeihe prächtig en esu'nem wärmen Nest, wo mer kei Gezänks un kein Unodenung kennt. Ävver eines Dags kütt dä Dag, wo die schön Harmonie em Emmer es: Dr Vatter Engel käuf nämplich ene gebruchte Wage! Fünef Johr lang hätt hä doför gespaat. Mer künnt tirek bihaupte, dat dat Auto vunall dä Gläscher Kölsch bizahlt wooden is, die dä Ühm sich zick dä Zick verkniffe hätt. Un dat will jet heische. Zoersch sin se all zofredden un dun sich ne Däu an, bis sich erusstellt, dat dat met dem Benzinroß schlemmer es, als wann ne Holzwurm en 'ner antike Kommod am wirke wör. Lantsam ävver secher mäht dä ahngeblötschte Stroßenkreuzer de ganze Famillisch verdötsch. . "Et lit nur emmer an dr Düüs", säht dr Vatter; bloß gläuv em dat keiner mih un plötzlich es et Glöck perdü.