Hörspiel

Autor/Autorin: Wilhelm Meier-Eving

Mien Suohn

Plattdeutsches Hörspiel

Regie: Wolfram Rosemann

Sitt een alleen in't Hus, wehrig un ratz düörneene. Helpen läött sick jä nicks, wann dat Leiwste, wat'm hät, in den Kraom kuemen is. Et geiht akraot up den Augenslag an, wo so'n lütken Purk van nieen Ärdenbüörger to't iärste Maol in't Sunnenlecht plinkern sall. Wisse, iärsten nüdlick, so'n krabbeligen Puck vull: Niäse un Vernüll van Moder, Fatzun un Duorst van Vader. Upmaol döht sick en graut Verwünnern up, vull van Simmeneeren un Spickeleeren. De Jaohre vüör un nao't Frieen laupt no eenemaol vüör de binnersten Döppen aff, äs wäör't in de Flimmerkist. Alls is dewier: Tofall un Affküern, dat iärste Dräpp-wi-us un auk de late Stunn tobuten in den smöen Aobend. Wieder geiht et met fröndlicke Wünske an de naisten un fähnsten Jaohre. Aower auk kruse Gedanken maolt Belelr in't Vüörne. Un ümmer wier schuwt sick de Wiärkeldagg dertüsken - bes hen to't vergnöglicke Enn van de verwaochette Stunn.