Mundarthörspiel

Autor/Autorin: Konrad Hansen

Staoh up un gaoh

Plattdeutsches Hörspiel

Regie: Wolfram Rosemann

Et is d'r wat passeert: Tesamenstaut un Beswogen, Krankenhus un Daud. Aower een hät et üöwerliäwt, wäd düörkuemen. Äs wäör he all giennsiet van de Süöll, trätt he ut sick sölwer harut, steiht tieggenan, luert un begripp kum de Halfscheid van all de spökigen Draime, de dao ut deppere Geliägden van de Siäll harupswiäwt. Em dücht, äs möß he dat Spiellwiärks van en wunnerlick Schüttkästken tokieken, wo kakelig bunt un unbegrieplick Spiers un Späöne van Flitterkraom bi jeden Nuffk tehaupe fallt un sick riegt to ümmer niee, affsunnerlicke Draime. Daobi weggt sick sachte dat Wietten un Verstaohn, wiest de würklicken Wiäge; un dat bedütt antlest Affkehr un Ümkehr to niee Öwers - affsiet van't Hassebassen un dat Metlaupen in den Tropp -, to'n Liäben, äs et mennt is.