Mundarthörspiel

Autor/Autorin: Hinrich Kruse

Töven up wat

Regie: Wolfram Rosemann

De Daud hät sienen Danß hat. Dat dusendjäöhrige Riek is in Blot un Träönen unnergaohn. Un nich weinige sind schüllig wuorn, häwt sick tominnst metschüllig makt un verstoppt sick nuvördann ächter früemde Namens, ächter'n früemd Liäben, dukt unner un wier up in annere Gelägden. Un waochtet met Fröchten up den Dag, de iähr to uoppene Bichte dwingt. Met iähr verwaochtet endlaus de Tied, we trüggeblieben sind, we üöwerbleewen - aohne Naoricht, vull lierig Huoppen -, äs butenlands de Naigsten un Leiwsten faollen. Se waochtet alle tohaupe up düssen Augenslag, we de Leigen van de Unschülligen schedt, den Staff bräck un de unmensklicke of auk de mensklicke Waohrheit loßdeckt.