Originalhörspiel, Mundarthörspiel

Autor/Autorin: Fritz Arend

De Mann in'n Keller

Regie: Wolfram Rosemann

De Schriewer, de för düt Spiell den Hans-Böttcher-Preis 1972 kreeg, hät no ne twedde Üöwerschrift praot: #Bericht üöwer eenen Mensken". Düsse Mensk läött Bomben explodeeren, jägg Bahngeleise hauch, läöt Lok un Wagen stüötten. Äs unner'n Dwang künnigt he ümmer wier en nie Verbriäken an. Polßei, Funk, Tiedungen, alle Welt sökt em upte-spüören un to packen. Aower he verräött sick nich, un kineen weet wat af van düssen Mensken. Män wi, bi't Tolustern, lährt em kennen un müettet begriepen, dat'm em fröher här helpen moßt, em bi de Hand niehmen, met em küren. Man här sick de Meite gieben moßt, dat Binnerste van düssen Mann, de helplaus met sick sölwes un met de Welt ringsümto nich trechtekümp, kennen to lähm. De üöwerspannte Fiär, de em driff, här'm dann söken, uphaollen, sacht afdreihen konnt. Aower upmaol fräögg'm sick verfehrt, of he de Bomben üöwerhaups biäßen lait, usse Mann in'n Keller.