Mundarthörspiel

Autor/Autorin: Wolfgang Sieg

Söken

Technische Realisierung: Paul Fleck, Helga Abel
Regieassistenz: Hans Neubert

Regie: Wolfram Rosemann

Se häwt fiert met de aollen Frönde, to viell suoppen villicht. Liekviell, no dreiht sick alls; sachte wäd'm wacke, dukt up ut dat Nich-sien. Aower äs Blinne binaoh waket se up ut iähr swatt, swaor Slaopen. Un et bliff düster un swatt. Se meint, se wäören unner Ärden, sätten villicht binieden int Kellerlock van't eegene Hus. Män in dat afslute Düster sind alle Teeken utlösket. Un wann'm sienen Plaß in de Welt wierfinnen will, dao feihlt dat Augenlecht, de ärste Sinn. Dat Wietten üm Tied un Ruum, dat "Sick-sölws-wiß-sien" is uphuoben in düt Düster. Wu findt'm sick trechte, wann 'm bloß dat Lustern un Ruken un Tassen truen kann? Wat se auk doht, se laupet den Biesterpatt. Wat se versökt, et bliff stiäcken in den Twiewel. Ümmer nie Fröchten ut Nich-wietten, Raoden un Mißgaohn üöwerkümp iähr, läött iähr biewwen un liekertieds huoppen. Mankst schinnt't, äs laipen se in'n Krink bi't Söken nao de Düör int Friie, de mähr bedütt äs de Utgank ut Müern un Wänn. Män sölws, äs dat leste Hinner fäöllt, is d'r kin Lockut in den ]echten Dagg. Met düt Spiell, met dat de Schriewer in niie Gelägden van't Plattdütske vörstauten is, hät he dat teste Jaohr den Hans-Böttcher- Pries van de Stiftung F. V. S. to Hamburg wunnen. (Pressetext)