Mundarthörspiel

Autor/Autorin: Heinz von der Wall

Van den Aobend un van de Nacht

Regie: Wolfram Rosemann

In de Uhlenflucht waochtet buten Duorp twee Lüde, de Jung un dat Wicht. Se waochtet up den een', de iähr afhalen, de iähr wegbrengen un wiederhelpen sall. Se sind sick ennig. Elkeen för sick will sien Tohuse, siene Familge, siene Arbeitsstiär, siene Frönde upgiewen. Et is en Ächtersicklaoten, liekerwies' en Weglaupen in't Vüörne, en Verspriäken an de Tokumst un en Huoppen, dat se settet up iähr Liäben tohaupe. Tied vergeiht. Se kürt sick üöwer't Towaochten drüöwerweg; de Wäörde gaoht so hen, van Hölsken up Stöcksken, van't neige Gistern in't fähne Muorgen.